حسين الجبوري/ بابل
وين الگاك ..
من يا ملة انته وياطعم جن بيك
وين اتروح گلي بيا قطار يشيل اثر رجليك
من مريت وحدي وباوعولي الناس
گالوا عني شوف الحايط بظهره
من مريت شافو ديرة امعنسات
مرتهه الهلاهل موس شگگ خاطر الصخرة
الجبل جي بي كرامة يطلع الغرگان
من يتثاوب بحفرة
العمر خلصته بس مهموم اضوج رية المخنوگ
من اشتاگ احط بريتي جم شهگة واشوفه اشلون
يتعوض
الاسد يملك شجاعة قيس من يصول بالميدان
لاكن سهلة يتروض
وابدي معارك المعدان من اتمرني ريحة شوگ
تذبل وردة البستان من يطلع بصفها الشوك
هيبة عگل بالديوان طاحت يوم من ملچوك
وحرارة چيلة التفاگ بيه بيوم من انطوك
خفت من يوم رحت اهناك غدر صبولك وعشوك
لتحاجيني حاجي بيوم من اتبدت الحمره
جي ماريد اشوفك ليل صدگ غابت الگمره
ما أمن بعشه الطير بس يأمن بحضرة
وتعرف هيبة الشباچ من يشور بكافر
تبقه تاني بالوعات ونه تضوج الونات
كل فرحته هز كاروك هيچ اتضوج العاجر
ترى تشبگ الجنطة الروح من ايردلك مسافر
جي متعوب وجهي وروحي حلوه هواي
انطو قسمتي لتاجر
نصبوا كيف عدكم غاد واهلي النصبوا الچادر
عالوا بيه مايدرون يشور اصبع الشاعر
واسمع صوتهم شتريد وك شتريد وك شتريد
اريدن شاعرة لشاعر
تره ماكو بترافة ذيب يندل كلشي بالدنيه
بس كرهوا هواي الناس چي مايعرف يعاشر
مايعرف خلگ فلاح الا الواگف يناطر
خسرت وما اريد انساك بس ليخسر الشاطر
جنت الاول انت اتگول بس هسه اصبحت عاشر
