زيد الخفاجي/ نجف الاشرف
زفة وناي بشفاف الخلگ خلوج
واهس ليل والصينية كومه احلام بيه بيابخت حنوج
من زفوج
احسن زفو اجروحي
او ليش انطوج
كامــت تاگل ابروحي
يبت ارباي
دليني الفـــرح يابــاب
يشب وجهي لو ذكروج
واترس روحي بس عطاب
بس هي المصيبة بهاي
هذاك اصويحبي الزفــج
بتوالي الليل امس مد ايده يم زلفج
يدردم جرحي لو ذكروج
ليش انطوج
او هاي الناس تعرفنه
لحد ما بسمي هل سموج
ليش انطوج
جم شلال من عيني النزل بجفاج عطش حيل
وانتي ولا حلم ملهوف
مريتي اعلى جفني بليل
يصاحبتي
شيب حيلي من فركاج
بنص اهلي واحسن روحي مامهيوب
تعالي اجفاج
تارسني ذنب وعيوب
ليمته اشتاگ
وانه براسي هوسه شيب زفتني اعلى وحشة ناي
تعالي وياي
مـسيـه اجــروح
واتنـادس هــله وياريـت
واشيب كل زلـف خـدران
رفيـف احــلام
مذبوحه على هوسة ليش
اضن مكتوب
اظل كل العمر عطـــشان
خطيت اضنون
واتناثر محطة اذنـــوب يم كــذيلة ترهم ليـل
شجاج او ما عطش ملكاج
يثوب الهيل
تخجل لو تصد عليج المرايه
ارفرف لو يمر طاريج
هو الميت شما گال ياهو اليسمع حجاية
او تره المشلول يصفن عالمشي هوايه
اني ادري اليطيح اتحضنه وحشة بير
شجاج وياي مو ذكرتنه توجع حته گلب الطير
انه وياج
جرت كحلة يم عيون گله الشوفتج تحلم
وانه وياج طاري فياي
خلينه الشمس كل ساعة تتلعثم
ومايستاهلج گبرتي صيته هواي
تدرين البلم مهيوب
جي شاله على جتفه الماي
والعاكول لو ينباس يرفع خشمه فوك الياس
وحلات الطين ماعير بشر مخلوق من الطين
تره الدمعة التطيح احساس
يالمخليتني راي وراي
حته وياي مو صافي
ظلم عالوردة من اندوس
يم صفصاف متعافي
ومايدرون
انه ابجفي الج بصمات لسه مرافگة النية
وتدرين اليموت بضيج ماترهم عليه دية
