الشاعر / كاظم الركابي
عثر طولي ولگيتج ناس
جست روحي وشفت ملگاچ بي اهتم
يبنيه النهر چذاب لو مامش عطش ينذم
يبنيه خذانه الخوف وعيون الصبح تنباگ
دليني الشته بيا صوب
وجه الماي بارد والظنون اغماگ
وين احچيچ
يسالفتي الخذاها الشيب
ينزوة خاطري الضيع طعمها العيب
وين احچيچ
طشرني خضار الگاع لميني يريحة ياس
معذورين ما شافوچ مايدرون ..
من تنحل ضفيرة ليل چم شفة گمر تنباس
ومايدرون ..
لهفة عين كل مشتاگ ماتطفى بسوالف كاس
