احمد يوسف / ديالى
عندما احترت في كل معاني اللغة العربية في وصف خصلة من الشمس الغافية في وجناتها، حينها قررت العودة الى الجبال موطن اجدادي لاجد كلمات هي لا تفهمها ولكن عسى لقلبي ان يرتاح..
لتخجلين
كاتبلج غزل بردان متغطي بسوالف تين
يام زنود يالطولج ترافة عود
كمر نعسان موش خدود
ليش تفوت وتعدي
كاتلني السمار البيج كاتبلج شعر كردي
حالم سوتا
سبرم نما
بيتين بالكوه طلعن خليهن باذنج غفن ترجية
حالف ومن كلبي صدك ماشوف غير بنيه
وامد روحي اعله جفنج ليل وغنيلج غنه الوردة
والم سوالف العرسان وخليهه عليج بشوك تتبده
وجيبن كلبي خرزاية واحطهه بايدج الحلوة
واعاين عالنجم خجلان من الشك يتجوه
واغنيلج
وامشط شعرج بايدي واكظ ايدج
وافك صدري الج وبكلبي اخليج
واحظنج حيل كل قوتي وادفيج
ياكمره يبت الماي يا هيلة
يطاري العفة يا شيلة
ولتخافين لو بعدوج
لو بعد فوك الغيم ودوج
الم كل طيره غنت يم شجر حبنه واشوفنج
واكلج يا بعد روحي احبنج واحبنج واحبنج
