مهند النداوي/ ديوانيه
يرسمني وشلت عافية ويشرب ضواي
الدهر خنجر ماي والطف بكفاي
اشما اجي بواهس حسين الدنيا تتراولي گيظ
اوچف رمح
الساجيه الگادتني ماي تريد بس ترضي الفلح
خلگي هور
والمشاحيف البراسي تريد تفطمني عله بور
استورحوني المالهم رازونه بيه
خضر بروحي نبي ومنين ماعند الله بير اتلولح وطاح اعله اديه
ويامناجلهم تشمني وتشتهي بروحي الشگار
و لاني بردي
وضحتكه المشحوف زتاها اعله خدري
وياسواجيج يروحي منين ماغنيتي عنبرهم حصار
اليوجد جربته بروحي يراودني نهر
الكيظ تكتل كشخته حجاية مطر
الماي زتاني لمحرم
وهيض بروحي شكو حجاية سبي
اولاني درب أيزيد ومشاكف عبي
ادخيل ياخلگ المناير مانه گد اذانهم يشرب صفنتيّ
اولاني بواهس گناطر يخدر الماي اعله شفتيّ
ابليسهم يندل دفو مصلايتي
ومو غشيم ارسم ملامح وجهي گد مرايتي
اولا متعوب
وبعدني اتگشمر ويالشمس واتبده اعله جفها غروب
وبعدني استورح البير الطفه شمعة ضحك يعگوب
ماتعوب
اليناوش غبشة اموتوني ضفيرة ليل
يخدر عله جدامي دروب
