امير العزاوي / سماوه

طش بريتي انفاسك .. يسبحانك ترافة هيل 

الكمر مد روحه يشتم بيك

عاف اليل. متعافي بخصل شعرك 

رايد حيل….

وشني بشعرك 

يهنيال الحرير البي 

وشني شجم ليل 

متبدي اعلى طوله زحوف

وصلاك النده وجان الورد سجاد

يبايك روحي يمك غاد

دليني على دربك صوت .

منا مطشر سوالف لمني بشفافك 

وسافر بيه وين تريد…..

جلمة ريل

مو كافي اشتهيت زلوف

موكافي شتظل جم دوب بيه تحوف

حدر جفوني كعبة ومن يجيني اليل

احلامك تجيني وشيب يلبس شيب   

وبيه طوف 

وانه انسان اعله كدي 

واستحي من الطير

اذا امشي بدرب وبجفي عازة ايد 

دلظمني اعلى جفك سالفة مكيود 

الله المن خلقلي جفوف

……….

حتى يعيش..

الميت شوكَـ واجب يندفن بحضان

…..

بمكَفه المشتهي يسافر دمع بيبان

وشـ عزة بنفس مكروه دومه يظل

الهوه البالرية ذلة يعيش اذا يثكَل 

الهوه ميت الرية تمرجحت بتراب

النفس ماضايكَة ولليوم

اتشلبه الهوه برية عمر دخان

شكبرهه الكَاع بس تنعاب اذا مابيه

يمشي انسان

وحتى تعيش….

تشر بفيايهه اعله الكَاع

الشجرة. تسولف وي الماي

حس عطشان

واذا مابيك لـ لله احساس

عوف الناس

بجلمة نداس..العمر متبدي 

بـ الله وياااك 

يالمجاملني بس فراكَـ 

ضاكَت بيه كَاع الله شكبر فركَاك

وين ألكاك

بحضن كل صفنة ادروك صوت

اليمر بليلة حس كَبور.

تنكَعه سوالف التابوت

بين سوالفي وطاريك شوغة ناي

بيني وبين خلكَـ العين .

حركَت ماي

بشليل خدودي.دمعي يفور

جلد وجهي نمسح .وتلمسيت اعضام

انعم الله عليك..هاي اثار عاشك 

وبتوالي الليل ضل سهران

انام شلون وانته بليلي مامفروش 

يالشابك خيال عيوني اريد ارتاح.

واكشخ راي..

وادري بالي بس عميان..