زهرة المحمداوي / ديوانية
زحمة اكولن هاي جوية مرت ابوي
وسهلة الكارثة الجوه الهدم
كمت احس شايل ثكل من الجروح
وبالي بي جويات من كد الشتم
اتحط ملح بعيوني وتكلي امشي نام
تشتم امي كبالي وتكلي ابتسم
ومن التعب ماشايل ابكلبي على ناس
وكمت حتى مابيه احمل اسم
مو فقط بس الملح يلجم جروح
الفاكد امه من السولف يلجم
الماله احد يعثر ابجلمة وحيد
المهم بس انه اصلا مومهم
ومن الضرب بخيالي ينشاف الزراك
وي سمه الله يضيع اذا اطلع الجسم
حتى تبقى ادك عليه سمتني انه باب
وانه لوحايط كثر دكهه انهدم
بيدي اجيبلهه الاكل وكت النهار
وهم بيدي بالليل اعدلهه النجم
انت حالك بس فرح بس انه وين
حالي حال الخبزة بحلوك انلثم
الحنضل تحس بي طعم يشفي العليل
لوعشت نص ساعة وتضوك اليتم
ارسمت امي بدمع بس مرت ابوي
شككتهه وشخبطت فوووك الاسم
