حيدر داود/ بغداد
نجمة بليل حالك جوه عش غيوم
وضباب وعاصفة وعميان التباوع
مثل ضيعتها لا ازيد بعد مرتين
خيالي گبال وصفچ يمه احس ضايع
امي سوايه الله بطينة اهل البيت
نهر طيب وصبر منهم يظل نابع
اذا شافت مرض شايل بچفه الليل
لو ساعة ارَق وبنيّيته يصارع
تِفِل خيوطه واتلفلفهن اعله الميل
وتحوكلنه صبح واتگَعد الشارع
وگبل ماطب اذا عاللثنعش طَب ميل
يتلگاني وينك جارنه السابع
وتِسَوي بطبتي لالوان الوجه تعداد
خاف بتعب لون من الوجه ضايع
وتِفَتش اجفوني اخاف بجيبهن صفنات
واذا لمست رطوبة لو جفن دامع
تعلگهن مناير تنشد الرحمن
وتظل تدعي لَحد ماتنگلب جامع
انه مراهن رهن امي بتسع تالاف
رجل يارجل يحمل طلگة التاسع
