كرار الطفيلي / بابل
ادري الخاطر الله اشجابك ابالي
تذكرتك واحس مدري اشتراوالي
ضجت ناس مخبوصه بخصر ذبلان
مايدرون هذه الخصر كتالي
امن اشوف امايلك خدران
اكيف عالهوه العالي
يحجلك زقزقة بستان
وانه محضر اسلالي
النهر يصعد ابراسه الروج
اذا شاف الجرف خالي
اويلي اشكد احب طينك
جبل بس هم ادنگ
واحضن اتلالي
يشلال وهواك يبرد ابريتي
من اسمع صوتك الخلصان
تصعد لله حنيتي
شعرك لو ينگط ماي
يرسم رصعة اخدودك
وانه اشكد حنين اوياك
خصه من ألزم ازنودك
جنحك حيل دافي
بيا غصن رابي
اكيد التين اذا فوكاك
تطلع لذة اترابي
وين ألكاك واسهرلك
واوگفلك مثل ناعور
عالخصرين افترلك
يمگفاك اشكثر ذايب عله اعيوني
من اتروح اكيف حيل حته ارتاح
اباوع شكو بمظموني
