وسام ناجي / بصرة
توازيت ونزعت المستحى من العين
وعرفت امن الشمس باگت ضوه الگمرة
يعله اعله الورد چي فارغ الصفصاف
الفراش يحب ورد جي كاشخ ابعطره
اعجبك بالسفر تارس اعيـون الريل
المايهوه الدفو يموت الشتا بعمره
رافگت الشمع وادري النهاية فراگ
الخيط البالشمع مو خيط مال ابره
ربيت ويالشمس واخر سنيني غروب
احب وجه النهار الليل بس كثره
واخيط بالعطش من يشگ ثوبه الماي
وفض غيمي مطر للشوفهم نگاط
واعگد بالسوالف خاف چلمة تطيح
ما سـولف سوالـف مالهــن رباط
امن صياري وعرفت ابذلة المجتوف
لذلك من صرت مافصلولي گماط
