حسين الشريفي/ بابل
لا تزعل يمحبوبي
الورد يذبل اذا يزعل
يماخذني عله كل كمره
اكبالك كل نجم يخجل
وعلي حته العظم يشتاك
ياكل بيه وانه اقبل
يكشخة سهرة العشاك
جف حلكي ولساني انشل
بللني وانه العطشان
مي شفتك و لا ينمل
تره حكه المحب دورات
يفكد ولفه من يسأل
ومن حكه المحب مرات
كلبه بشوك من يجفل
يخنكني الهوه بريتي
علي زعلك اذا طول
يمزيون الصكر مهيوب
ويطيح بليل اذا جلجل
يماخذني بجنح عصفور
طير بهيده اريد اندل
وخذني بنص سواجيك
نهر وارويك يمدلل
يبو سوالف ترد صباي
حالي بدونك مبهذل
يواهس ليلة معرسين
شد حيلك و لا تنحل
هيه الفركة من اطول
معناها المحب انذل
واذا بيه غلط بس كول
سامحني وعلي اتبدل
مثلي يجوز ما تلكه
هيبه و حوك ومعدل
و ليربيله بنت بيوت
حلاته تصير من تخجل
