محمد الفهد/ ميسان
من كد ما مودع ناس
كمت استغرب الملكة
ومن كد ما شكد مليت
كمت اعشك اجواء البيت واتونس على الخنكة
طلعو من دليلي هواي
كمت اتشابه وي الناي
من تنفخ حدر مكفاي تطلع ونة محتركة
من امشي بهور ما انشاف
دورني اعله كيفك ناي كصبة بدوري ماتلكه
احس براسي صوت دفوف هوسة وطبل صفك جفوف
اصفن العدها ست خالات
والماخذها اخوهن مات
لابنه وكلهن مكيفات لو اسمعهن الصفكة
دايخ عايش لوحدي
يهد بيه البلم مردي
كلب من الوفة مصدي
اثكل العاشكة من احدي
طبع علمني بيه جدي
يبن ابني ماوصيك يالك يجدي
كبلك احباب هواي عافوني وحدي
وصاني اعله هاي الناس
قلة البيها رفعة راس
جدي وبالك ادنكه
هو السيفه مابيه خير وكت الحرب مامحسوب
هم يحتاج للدركة
حتى النفس لمن راح لو شايلي سبع ارواح من يرجعلي ما شهكه
