عباس الرفيعي / كربلاء
محتوى الصفنة سوالف حچي بلسان الفكر
اليگعد بديوان فارس لاچن السانه المهر
اليبات بلاعشه موبس فقير
اليبات بلا عشه مفارگ حبيب
اسعى ياعبدي واعينك
جامد يظل بمكانه اليؤمن بچلمة نصيب
اكوشايب روحه خضره
وتلكه شاب برجله رايح للمشيب
العاجر السانه فشل ليطب مضيف
العاهر السانه فشل ليطب مضيف
يترس الديوان بولاد الحرام
المايگدر چلمة لا يحچي بيهه
المسافة بين كل چلمة واذن تحتاج القياس
وكل اذن الهه مسافة حسب مافوق الاذن
وصلت الحدهه وبعد مابيه حيل
واني بيه جروح يدن ما انامن بيهه ليل
اشتهيتك حتى لو خنجر تعال
جرحي شاب يدور بنيه حلال
وهيه معروفة الجرح تكبر ضحكته من يمر اشفافه خنجر
لاچن يغندب اذا يم شفته مر السان خيط
صار ثلث جروح اتاني مايقارب ستة وتلاثين طعنة
يعني بحساب ال ومن كثر سهر الليالي وبالسمه معلگ عيوني
انته بس تشيل راسك بالسمه تلگاني نجمة
انشد اسهيل اعله حالي عليك جنت شگد اكلمه
وسهم هجرك عاب طرادت صفنتي
وغرگت بخنياب دمعي اشلون اجيك اشلون اجيك وتدري چبچاب الدرب
ونار بعدك ماچله عكازتي
وبيه حيرت بت گليط شايله العار ابطنهه
وباچر الزفة اعله ابن عمهه شتگول ديرة الوهواس هيمة
واليطبهه بلا زهاب ولا دليل تاكله اسباع اليأس
الصرح مو شي ضروري
اكو مدفون بمذلة وميت بعزة نفس
وربك من يموت انسان لازم بيهه رزق انسان
بالتابوت كسرة خاطر اهل الميت
لاچن رزق للدفان
الاخرس ناسي شكل الصوت
بس يتسمه عنده السان
