علي شاهين / بغداد
انا الخانوني حتى الجانو يوافون
ويصلون هسه وراحو يزورون
من أهل الله وفي ومادوس نملة بليل
وذا يلغيهة الله الجنة هم ماخون
اوكف للمطر تعبان خاف يطيح
ومبلل عطش ماخاف الينشفون
عافوني بوكت محتاج الصبع بي
وخذو مني جفي وراحو يصفكون
واني اخجل اطلبه اشكال خاف يصير
خاف احرج اديهم مني ويزعلون
كلهم فوك متني وحملي عفته هناك
وذا صارت زيادة بمتني اوزع متون
شني مبين ملح تحضني ماي الناس
حتى اخلص وذوب وهمه يرتاحون
كأي نسمة اطب الرية كل مخنوك
واطلع بالحلم للاعمى بس عيون
واروح من الصبح متعني للخرسان
رايح سالفة بشفتهم ويحجون
ولمني يغيب العذر مالي انطيه
عليه اهواي غابو بس ولا يعذرون
كتلو نجمتي وبس هي نص الليل
وكمل ليلهم من جانو يسهرون
صارو مكبرة وتفتح حلكهه وياي
بس عثرلي ميل تراب ينكلبون
