محمد خالد / بغداد
عليش اندم
طريج الماي من يلتاف
يتبده بخصر فلاح
وعليش اذنب صلاة ابليس
من نزني بعثك تفاح
واكول اتهون جم شباج يستبرد ضوه
من يضحك المفتاح
وعليش اغتاض
حلاة الناي
من يبچي بوجه مرتاح
وجم تابوت وداني
اعله ذاك. الطيف
ومامش رب تلگاني
ومحد كادني
لمن عماني الشوك
ولا يوسف تعناني
فرحت كبال كل امرايه ناسيها
هلبت ضحكه تنعاني
شمدريني خذاني الشوف من. عندي
وشمرني بظلمة تهواني
وعليش ابجي نهر يم كاع تنساني
امنيتي البس وجه ثاني
