قيس الربيعي/ البصرة
شگد قشمروني .. الفقر عيشة لسباع
شما تضم سر بالبير لازم ينشــــــاع
چواني وكتي بوجهي حط لسعة عـوز
اي حـار بس كشخة حديقة #النعنــــاع
ما خذت عاللون و أثق بالصحبــــــــــان
رب الغدر .. بس البحــر گلبه شـــــــراع
عافوني شيّــب راسي .. بس لا ما طيـح
براس السعـــف عالمــــــاي شيبات وداع
عافــوني .. و تندّمــو ما حسبـــــو زيـن
تفگــــه عزيــــــزة ويه الطلابــه و تنباع
تايـه و گول انــدل سلـــــــف لمعرسيـن
خيـــط اسود بنص گذلـة احديثه وضاع
طيحـتي اتخبل .. من اطيحـــن مسحـاة
لو گمــت اسوي برجلـي غمـــــــازة گــــاع
يـدگ گلبي و اهيس چـــــــادر ايطگه الريح
و موال داخـــل حسن بجروحـــــي امتـــاع
بنــص مگبـــرة امشي و دمعتي اتضل بالعين
هسـه اعله ونـّـــة بـــاب تتبـــــده ابســـــــــاع
