عباس المحمداوي/ ميسان
أريد اشتم هوه العباس
يعني اتنفس الخوه
عود الشلب مايرتاح اذا حصدوه بل كوه
ويالماخذ حجي التابوت
خاف يخنكك من اتموت
ولتذم النخل والصوج بالصاعود
المالاح العنب يتحلم بعنكود’
انه بروحي سوالف غيب
تاخذ راحة العدلين
المايفهم
حجي العاكول
مايندل طريقه منين
للمايفزع خبز بضيج مامد ايد
انه بلياك ماخذ غيبتي اجم عيد
عالزلوف النهر خليت ترجيه
هذه انه وبعد كل حيل مابيه
الماحاضر هلاهل طيف ماشايف البوشية
المايعرف شنو البناي مايفهم بواجيه.
محطة شوك ومسافر طرك نيتي
المايعرف هوى الله منين جابه
ودخله بربتي
اشم اعتاب جن يعكوب ويه البير
وين الله وترد اسوالفك وتصير
