مصطفى القصير/ بابل
المايريدك خير لاتريده انت شر
هيج ياكلبي دخذ درس وعبر
الفارك المحبوب يم الباخرات
يبقى طول العمر يحجي اعالبحر
انت ماشيته عمر تحجي بهواء
الصبح تحلم ليلك اتكضي سهر
خلص عمرك وانت ها بأجر يجون
والدليل اشموعك امترسه النهر
راح اسولف ياكلب واخذ الكلام
اخذ عملك ياكلب عيف النضر
القمر صح تشوف بس تصعدله ليش
انت ماعندك رجل تصعد قمر
مدد الرجلين واحسب كد غطاك
الفشلة من غيرك ترى الشبعك قهر
زامطتلك بالحجي كله تجيك
زمطو اليعقوب بس محد كدر
