لا تغربل جف رماد ابصف يتيم 

نارهم باصل الحرك صارن خوات

هذا يذكر كتلة الوالد عزيز 

وهذا يذكر ضيمه جيفن عوده مات 

نيه العاشك علك يم الحبيب

البيها أثر شباك وايمام الحنين 

اللكمه ماتعبر إذا بجفوفي ريل 

امنكط الخيرات دخان وسنين

اليشهك الحسره ابغفل من اللهات 

تكول جن عجدات بخيوط الهوه 

اليمشي ليله بلا طريق تشوفه واكف اليعيط ابنص مضيف اتشوفه زاحف 

رنة الخاشوكه خرخاشة شيوخ 

واليكرهك ايده تنشل لو اجه ابوجهه الكهوجي الجا مالح من يغزر بالشيوخ 

واليحبك يقنع ابطرف استكان 

ألما مضيف لا يجي ويصبحلي سيف 

الخير لكرابي الحضن سيفك حنان

اني من امشي ابد ما باني ضيل 

عيب. اوكف شمس ربك بالضلوع 

حرمه من تمشي اصد عنها الجبين 

وجهي ابيض ما غمزلتلها ابمغيب 

سود اثر طعناتها ابمكفايه ليل 

حجايه ماكالت وعرفتني بخطيب 

البرده جفايه ستر عالباني بيت 

تحجز عيون العرف والماعرف 

طبعي جفايه و تفيدك لو مشيت 

وبلشت عندك حساسيه شرف