بشرى الفتلاوي / بابل
انزلو من أيدي مثل اكطيف دخان
خذو صدر الجكاره وبعثروها
كذيج الناهبه اتغطت بالف ثوب
وتصوفر لون ثله اتخاطبوها
ماعايزها كلشي ورفضت الشيخ
الستر يهل الستر دا اتلاحكوها
الدكه الناقصه من عرفت الناس
وتلولح ع الأرض ياعكال أبوها
تصحلك بت تربيها الصريفات
وظهر تلكاها أخت حيهم لخوها
وصلت لو بعدها السالفه وياك
موش الناكه نثيه وعكروها
طبع الناس بيها إنسان مغرور
والانسانيه من دمهم لغوها
الأخلاق انطوت والسيطر العار
وبت البيت بحجايه اشتروها
الغلطه اكبالهم واثق يشوفون
ويغطوها ولا كنهم رأوها
الشيخه لغيرهم لاكت ع الحيد
وبلا اخذ وعطا وتواخذوها
الشلب مو باي مجان اتزرعه وايفوح
يريد الصالحه ااااااااا الخصبه الروها
العنبر ريحته اتأشرلك اهنا
المشخاب أعلى كلهن فضلوها
الكصبه اهوي تخدم تستر أعراض
وسسوو منها نااااااااااي وثقبوها
دخيلك يا الله سوه اهواي شغلات
اعناد اويه الله كاااااااااامو خربوها
يردون الستر مهتوك مبيوع
غارت بينه دنيا وماااا رعوها
السمه يهل الأرض غظبانه وتصيح
أعلى ساعه ونطوت دا اتحاذروها
البيت الماله والد مااله رداد
القضيه أتريد لا تتجاهلوها
