علي الخيكاني / بصرة
هي أمنية ذلك المتطوع الباسل الذي اراد ان يرى العراق يستوطنه الامن والامان
فعند وصوله الى ساحات الجهاد سمع نشيد الجروح الوطني
يرتل (هل اراك .. هل اراك)
سالماً . منعماً . وغانمًا . مكرماً
انهمرت دموعه
وقال
هل أرآك؟ شگــد صعب هذا السؤال!!
انكتب فوگ العــين والدمعــــه القلم
سالماً .. من ياكتر؟ شو كلشي موت!!
طفل! شايب! شاب! چاويــــــن السِلم
امنعّماً .. بجـــروحك الماظــن تطيب؟
جــــــروح حــــيل امعــــدّله مالت زلم
غانماً؟ .. بس باليتامــــه العالــرصيف!!
البيهم امــوزّر گعــــد شيــــــخ الألــم
امكرّماً؟ .. أي هــاي ماتحــــــتاج راي
هيّــــه هــاي الما يريــــــد الها عِلـــم!!
بالكرامــــه الأول انتــه ابلا جـــــــدال
والدلــــــيل الله اكــــــــــــبر بالعلــــــم
ولو طبَّــو گاعك وعينك تشــــــوف ؟
الألمَّ المكتـــــــول كتّالــــه انهــــــــــزم
حشد عنــدك مو بشط بالطگ تفــــوي
انطيني عايل شفته من چفهــــم سلم
الماي مو ذنبــه الغريــج اهوه الغشيم
استنكف ايمــــد ايــــده لمتــــون البلم
لاتگــول الملــح يلچــــم بالجــــــروح!؟
هـــوه طبــــع الجــــرح لازم ينلچــــم!!
مو شرط حچّاي حتى اعتبره شيــــخ
صار رب وما حچـــــه احچايـه الصنم
الجبــــل خـل ينثلــــم مابيــــــها عيب
العيب اذا من الهــوه تشـــوفه انثلــم!؟
صير مثل حســـــــين سمعَّهــم الــ(لا)
الــ(لا) تشگ احلوگ مو مثل الــ(نعم)
وفرزن النضــرات واتعرَف الصديــج
نضــــرة الصــــياد تگطف بس سهم!!
انعاتبك؟ ياهو انتــه؟ چا غير العزيز !!
نريــــد چف العافــــــيه بولــــــدك يلم
وراح ارد اردود اســألك ! هــــل أراك؟
شــوكت هاي اتصــير گلــي ابيا حلــم؟
