حيدر ناظم / الديوانية
ثوب غياب
الصدكَ لغربتي ولايه
عِـــركَ دمك موسيقى
وبرد دمي الحنين الحار فختايه
ومات اشجم حلم جذاب
مابي لمضت شلونك
تركض ابروحي سوالف ناس
وأتيه كل درب مايعرف الثوب اليغني غياب
دليني اليموت شلون
اهـــلهك عمر شباج
افيـــض بضلمة النافوره من ترسم عطشانه
امرايه تدور الماي
ومن حزن شباج اصابيعك
اوديــــــــلك ضوه اعيوني
ارسمت روحي قميص عاى الشجر
وشراين الياس دم اخضر
مــوتدري دم اخضر شراين الياس
لكَــــــيت الله الصدكَ الله
ابـــــــكل ضحكه يكَلي شلونهه شفافك
السمه ابعيده وحلم روحي بعيد غياب
لكَيت الضيعتهن باب
لكَيت السمه ابـــخدك
لكَيت اليل شعرك والمشط من مــــستحاه جذاب
ولكَيت الله بشمس روحــــــــــــــــك
اشتعل كَمريه ظلي وتحزم ادروبك سؤال
وبروحك تفز الكَاع صبحيه
شمس تكسر اليل ويظل اجم كمر مبيوك نجمه
