عباس هلال / ديالى
اثر دمعاته لسه ابعتبة البال مايكدريطب والباب مخلوع المارايدني كايل هذا غلطان
اله ابجفن الندامة اميتم ادموع
اجا لابس ندم من خلص الليل
من هتكت شرف حسراتي الاضلوع اجا ايدورله فرحة ابعين الايتام من خلص دمعها ابصاية الجوع اجاني وبيه حسرة اتخوف ابليس اجاني وبيه ونه اطول اسبوع
جسر رايدني جان اويعبر الفيض وانه الغركان نوحي ودربه مكطوع سبه صفنت خيالي الشام الاجروح عله رمحه العمرشايفته مرفوع
صنم جرحه وانه الكل ضني ميروح من اول نبي اوجرحك بده يموع حكه بلا بخت من يطبر الفاس ماضاك العطش من مرب الاجذوع شلع كلبي اويكلي اتشيل وياي ياحمل اليشيله الكلبه مشلوع
انه اجروحي حقل وامترسه الغام كولوله اليمر من يمه ممنوع
