حسن الجياشي / الديوانية
ضعت بين السوالف والرفاگه تعيل
حـايـر بالـحـلوك الـتايـهه و تلــهج تره الدنيا سـفينة وانت مو سفان
تايـه بالـبحر والـروج بـيك ايـعج تهده احجاية الشينين بيك تميل
فـرزن بالـعـيـون الـخـاتلـة ونـوج
يالمخلي الكهاوي لسان ليك ادخيل
عالـرايـح الـراد اسـوالـفـك تـفـرج
تره الماشه وفي ياكل بروحه الطيب
بـس انت عـكس وافـيـتـك وتـغـفج
يطيبة ماي دهله وللشلب بي روح
اجيتك وانت خشمك شايله وترهج
تهده الله اليظل والباقي كلهه تروح
لاتـاخـذ بـروحـك باقـية وتـنـفـج
يمسكـين اليغرد بيته سجن يصير
والوحشة عالروحة اتغازله وتطبج
دردم للـشمـاتة اسـرارنـه ام البـير
يالبـيك الحـجـاية الـحارة تـمرهج
اهي الغـيبة طبع من الله موتعلوم بـس
استـغفر الله وغـيـبتك تطرج
يطـركاعة الـسانك مايـظم جلمات
بعيـون الـجفوني اسـوالفي تبرهج
الحمد لـ لله الجفيتك والك مامحتاج
عـيوني بـعيـن ربـي ولاتـضن تـغـلج
