حسن الساعدي/ بغداد
ستر طالع موش اجاهد بالخوات
الجيلة موبت بيت واسترهه بزند
من ابوفاضل وارث الغيرة وعنيد
السمه من اختاض اشككهه برعد
تكول عالباطل نهج ولد الحسين
تروح فدوة لدوسه من رجل الحشد
جم شهيد بحنة القاسم خذوه
نرجعه عالساتر جنازة ومستعد
انطووا الفتوى وحشد بمر الله صار
ال مو أمر الله جهادك والجلد
الماملطخ بالفشك منريده غاد
المو كفو وموكدهه خيعوف البلد
انة ثلثيني على خالي البالحصار
الكاع عطشانه وزرع بيهه وحصد
شنهي داعش فزعت شعلان اخوي
الكبل بيكم على الباطل زهد
اني عباس وجربتي وسيف ابوي
البيني والبينك فراغ نحطه سد
كبل صارت شغلة العورة نسيت؟
وما اوصيك بعورتك من اهد
لوتذب جلدك اكص راسك واروح
وباجر التاريخ يبدي من الجلد
تسب علي لسانك لكصه بذو الفقار
وتقره آيات النصر يا ابن هند
تدري بسم الله بالختمة شتصير
صدق الله العلي المعتمد
