حمامة الجنوب
سجة كحل خليتك ….. وردة امل شميتك .. صح اعثر بهبة هوى ….. بس بتعب داريتك تهت ورغم ما تيهت …. بين الصدر ضميتك .. يالساكن بروحي شكثر …. مجروحة بس داويتك .. تنحل مثل كذلة بهوى .. .وتلوح طارف خدك .. وابرد وجيك اردن دفو …. ولكاك فارش بردك.. وتلفلف بجلمة هلا … وشتم روايح زندك.. يلما اجيت بأي عذر …. رديت عذر الوحدك .. شرايد تبررلي بعد …. جم عذر باقي العندك .. كل ربعك ومحد وكف …. كلهم شفتهم ضدك.. حتى الفجر لمن طلع ..منهوب عذرة بخدك.. حتى الحلم لمن اجه.. ظل لازم وما هدك.. ما ظل نجم كله انطفى … هوه بظلامة يصدك
