امير الزبيدي/ بابل
لابسلي الابيض والخلك يسحل خيط وتمدلي ايدك قصدك على الشذرة ماشفت بدوي يصلي ابد يم وردات الواحة تفرح يعني خان الصحره ماشفت ام غركان تحلف بالماي خاف بحلفها تعيد نفس الذكره حبك فواتح بس صدگ خسرانات خسرتني رية وعندي شاهد جمرة ووالله اليذم الماي ناقص حيتان يونس بنص الحوت ينخه الزهره
انسى الفلح واحلم بمردي ومشحوف حسبالي انت وطيفي ياخذ كسره
واتعمد بورقه اندفن لو ذكروك نفس الچفن بس فرقه ايه وذكره
طبع السگف مايقنع مرايا يشيل
بس دنخه حايط رئساً يدك صدره
حتى اليتيم الرايد تزعله ابيش
سب الرصيف اجدامه تنزف عشرة
عود البخور شگد صلف ويه الناس
بس التتن شايل وكاحك سمره
السعفة ماتكبر شهر تكبر خوص
بس بالاصل فازوعه هي وخضزه
عوچية الشايب لمن تحچي تراب
من ينطي بيها خشيبة بس متعذرة
الروجه من طكت بلم مو تغتاض
صوچ البلم يدريها متحب ظهره
