احمد سالم/ بغداد
سراديب وذكــرتك والظلام يهيم
ياوجه الشـمس مابيـك ومضة نــور
ادري بغيبتك تاخـذ روح تريد
اني عاشگ بـشر لوعاشگ اني گبور
وگف حيلي بغيابك مااضنهه ارتاح
يبسله جرف من يوگـف الناعـور
راح ابدي وعيدن كل عشرتي وياك
مجبـور اعله حـبك وانته هم مـجبـور ماگـدر اعوفـك والزعـل ميــفـيد
تره يموت الغصن من يزعل العصفور
يانسمة عشك شح لهو من تروح
يرايح بصدك بس بالحلم ناطور
تعال وجيب بسمارك شتاك كفاي
بعدلي جم ضلع ينتظر ما مكسور
كلي بيا جرف موجود جايك روج
واجيك بحيرة تشبه حيرة العطشان
وظل محتار جن حيرة ابو المكتول
من كالوله ابنك شاهده العميان
صح بعيد لكن بالكلب موجود
البلابل بالقفص والفكر بالبستان
يمر طاريك والدمعات تنزل حوك
تره طاري نهر يكتل ابو الغركان
محطات الهجر ترسن جفوفي وداع ويلوموني الخلك عن وجهي التعبان
صايم بالعشك وفطوري بس ملكاك
تاخر حيل اشو حته خلص رمضان
