زين الكاظم / سماوه

صارحني أهو الميت صدك يرتاح

 من يعرف سبب موته 

وسمع التاه يعشك حته صوت البوم

 بس يكره صده صوته

 واخنكني زفيري ايتيه من اختنك… بس افهم

 شهيكي ايتاني باب اشفاي

 يفتح ليه خلك باله بهوه امهندم

 ولو كضاهه جان بريتي يحلم

 وانه اسالني اذا سألوني .

بيك الصوج حاجي اكباله لو نيه

 اي بيه اي بيه براءة ذيب يوسف

 من دمه حجيك ما كاتل ولا كلمة 

ما سامع ولا كلمة حاجيني

 اشوفن بيك بس حجيي شنو امرايه 

 ولونك  ينكلب جن طيف

 شمس الله عليمن ……

 رايد احجاية احبك هور  

الكصب كدما يحب الهور

 يكره حجي الولاية

 دحرك السانك الابس

 وقار وثگل مريم من لفاهه الصوم

 اكرهك گول گابحني

 استلذ بس كون أقنع بالحجي المقسوم

 لفانه الليل ورجني تره الشمعة

 تسولف  من يجيهه الليل

 بوجهي احجي

 تدري السجة راح اتعيش

  من يحجي بوجهه الريل  

ما ريدك لسان اتصير عوفك …. 

هسه اريدك بير وابوسك ليش 

ياحب مو مقدس بس وجب فرضه آدم 

هم نبي بس باس تفاحة ونزل لرضه 

انته ارضه يحلم الفطنة 

 سالوفة اخيالك مددت بيه

 بقاياك انتماء النشغة المحموم

 يسكت راحة  ويسولف عسر رية

 ومنهيه  يخط سرب الضوه المكشوف تاليه 

الاذن من تنذكر بلسان صيت الشهرة ترجية

 كصب اخضر تره المفرض ما حافظ وجه نايك 

الفراغ البيه مايترس وسع جوفة حجي مايك

 ينيت الكطن ادريبك لطف روحك مثل شكلك

 اوكعلي  يچبحة ماي من اتطيح ما تهلك

 يخفگة رية دوهنت الهوه اليطريك

 انه بصفك وحس ابعيد ممشه سنين وانه ادريبك

 اذ امشيهن ولا الكيك لخرلك  خرير اشموع من تتنطر ابواهس ولو ادري بهواك ايبور جا خليت ريتي بلا هوه عانس