غسان عادل / البصرة
انه راضع وي حليب امي مضيف
موش گطعة الگصب چان گماطهه
انه غازلت الگلاطة بظهر ابوي
انه زوجت الحروف انقاطهه
من اظب اسوالفي ظبة عجيد
ما اخلي رچيچ ظب شناطهه
انه حنطت خير افرع بالحصاد
خيره متخيريني من الگاطهه
انه سرفنت الخلگ للجاني ضيف
ازماط فرجه وياكفو امن ازماطهه
هوستي دراغ السلف رنة صهيل
اترجف الگاع امن اذب رباطهه
( شراي اگشر مال طلابه )
انه بزر العدهه شيلتهه امام
فوگ راس الشرف بيرق حاطهه
امي مستور لحد ماچنهه ليل
ستر تفرش هيج چان بصاطهه
انه جناي الهله المابيهه لا
بظهر ابوي بگصتي ربك خاطهه
ريحة اعزوبيتي بخشوم الطيور
شجرة الملگه بحلگهم قاطهه …
