يا صاح عودي ذبل وبكل دوا مايصح

والدمع سال وجره من ناظري ما يصح

والنيب مثلي ابحنينه لو صحت ما يصح

من حيث مضروب مابين الجوانح تبن

بمعالج الروح سري لمن اموتن تبن

لا تنهضم عالسبع لو صار علفة تبن

واليوم حتى التبن علف السبع مايصح

&&&&

جم دوب أهج هاج ما جن الذرى ولفاي

امهجول ولا عاود الديرة هلي ولفاي

ما اطلب اديارهم طاري الفلا ولفاي

هايم بالوهاد من يوم النوو بالراح

مذهول مذعور حاير بس ادكَـ بالراح

جنة وجانوا وجان إلنه الهنا والراح

لا جنه جنه ولا جنهم كَبل ولفاي .

&&&&&

جم دوب أدافع عواذل ياخلكَـ بالهوش

حتى دعوني شبيه السارحة بالهوش

لا جان هذا ابضميري لا ولا بالهوش

من حيث اذاني دعوهن من حجيهم طرش

لا خط لفاني ولا جدمي عليهم طرش

ياحيف نكَضي العمر ما بين وادم طرش

لو تلزم اذنه لزم لو ما يكَف بالهوش !!

*******

آنه الذي اليوم عودي من الحجي منجلي

 يامالك الروح ابكَه الياوكت منجلي

وما بين الأنذال أصبح ما هو كوتي ايصير

واللي عكَبناه عنه يمتنع ويصير

آنه الذي دوم اسمي بالحصاد ايصير

ومن جور الأيام أصبح منجسر منجلي !!