هــا دهر كفيت لو بعــــــــــــــــــــدك وراي

يـادهر هيهات تسمع بي تبت ..

 

الحزن صب ونته صارت وي صــــــــــــــباي

مــا أضن عالضحكة نوبة اتحسرت ..

خله مطرك ضيمك ايدگ بـگـــــــــــــــفاي

ذاك مشيي ولا مشيــت وحنبت ..

زيده بردك واعصف اچللي بشـــــــــــتاي

ادفه برواگ العشگ لـو عسمت ..

يتم اريوگي واخذ خبزة غــــــــــــــــداي

من متاع الصبر اكل لــو جعت ..

اني مفلس من دسومت مشتـــــــهاي

وبجليل أسهم الماعنده گمت ..

أنــه أخدر ضيم ماخدر الچـــــــــــــــاي

ولو فرغ ساعات قوريي دخت ..

صحره وارمال وهوى وجــــــــــلد ذراي

وبكتر بيت الشماته مــا لذت ..

أني معفي بعسري واشنشطه عفـاي

چــلمة أدخيل بحيــاتي ماگلت ..

 

سره لزمت ناس عالذلة وـــــــسراي

أول الناس بسره النخوة صرت ..

لاتزعلني صعب كلـــش رضــــــــاي

اعناد معبار الوذل لــــو عاندت ..

عندي گوگ الله وخبز وبشطي مـــاي

بدوي وبزاد الخرج لــــو عزبت ..

أني ثوب العسر ملبوس وغـــــــطاي ..

ومتر خام من اليسر ما حصلت ..

يــادهر تركض عليه أنه شــــــوراي

لــو ثخين الفي علي ما سومرت ..

اني بس ثوب الشرف چد وعــصاي ..

ظامهه لمشي الكبر لــو عجزت ..