هيثم القيسي / ديالة
يهرشك وين بداني العطش كطرة
ابطواريك يزتني الريع لوجوه الكضن صحره
ناوشني العذر مبيوك
سمر وجنات وجهي وهالكضن صفره
شليلي اﻟﻤاترس ملكاك
تفرهد من هذاك اليوم
بي موكد هفت مضنوك
بموادع بخت ديوان هالحسرة
جيمني اعله كاع انساك
يهلبت غيض من اعداي
يترايف بخت حضرة
ودثرني ابشليل الهور
افيضن طيب ومروة
دليني الشبج ناطور
لليمشون بالفطرة
يوينك هاي متربعة ابطواري ضنون
من استاهد العشرة
يترجية صريفة عوز بيها اﻟﻤامش استره
عاتبني العتب مريود لوكاد الدمع ذكره
يوشلة حيل دثرني ابدفو حجايات
علي اتخوزرت شعرة
تدري الغيض ريل اوداع
وحدر اسماي مو كمره
يوغف اﻟﻤاي رييض من طواري الشيب
آهي الوادم جدايل حيل للعنده
وهذا آنه جوازي من اسافر دوم للشدة
