احمد عزيز السماوي / النجف الاشرف
ماتجﻴﻦ نعومة بريسم بروحي
يضيع وجهي الهسه كدامج شرس
دربي عاگول بخطوتج يطگ عبادي
الشمس
ماتجﻴﻦ فاتحة حلوگ الشماتة
وانه خضره ارويحتي بوكت السبوس
ومدري ليش الناس من اتمرها زفة
عيونهم بس عالعروس
ماتجﻴﻦ اي لاتجﻴﻦ
ولاتمرين بخيالي فكرة مطروقة اوقروج
كافي لضيعﻴﻦ عمري ادري كلهم فرهدوج
ردي اشوف ابنيه سمره
ردي اهيسج ليله گمره
ردي بيه ولاية خرسة
وانه اردلج حتى اكولن ما حجوج
سدي بيبان الشماتة وكصي اصبع
ادري بيهه الحلقة موت
وخل ترد عافيتي بيج واحجي كلشي
اسنﻴﻦ ما مر بيه صوت
انطيني طولج خل اشبره
خاف باكو منه خصره
بي اثر شوغات حسرة وﻟﻤسه خوف
وحلي شعرج ياحريمة نباكت ابسده
الزلوف
انطيني رخصة اطلب انوثه
يلعب هواي انه كلبي وخاف موش انتي
العفيفة وهيج اشوف
ومن شفت فانوس خدرج
شيشه مكسورة وكيحه
جودر ابعيني العمه جنتي يمي
لذة اخدودج املوحة اتواردت ويه الجمه
