الشاعر / نائل المظفر
يحبك كلشي بيه او كلشي احب بيك
او ما اكدر اعوفك موبديه
تمدنه الروح حبه وطب الاجساد
وحس خلت خلية تحب خلية
ما اخاف اعله روحي وانه بالجيش
اخافن لاتخاف انته عليه
تمر بيه الشضية او امسح النار
وكول الفات خدك مو شظية
ما اكدر ابد اتنكب سلاح
احس مثل الخيانة بهالقضية
لان بس انته نايم فوك الجتاف
او صعب تاخذ مكانك بندقية
سر الليل كل ما حفظة انساه
واحتارت الوادم كلهه بيه
لحد ماصار اسمك انته يهواي
سر الليل ثابت بالسرية
وتريد تعوفني ياسري وتروح
انه بلياك شيطفي اشتياقي
ارسمك عالورق ما اكدر شلون
ابياض الورق وجهك والله راقي
وحس انه غريب ابديره اجناب
واحس انه الوطن وانته العراقي
وحساً يوم تسريحي من الاكيك
وفراكك اشد من التحاقي
وفراكك اشد من التحاقي…..
