كرار العبساوي/ سماوه
اي محتاز رازونة صور للعايفينه اعزاز
موش الهم لطارشهم
أفز فزت چمه بمنغاز
أريد انسان مو حنه
گرگل ماكو بيه و خاطر يلمنه
اجيكم جيه ملاگه
اشگ زيجي واطبگ الصوت
واحنلكم بچر ناگه
بالك من طريده تصير
خاف يعشگك الجايوس
ترى الدخان عالحيطان
شاهد سالفة فانوس
اي محتاز البملگاه
كون يفور ادلاله
مو يعثر يفشل الباب
ترى السمچة تموت بوسة الفالة
اي محتاز اريد انسان
ما يشتاگ الخيمة
تموت اذا ينباگ منهه ارواگ
اتواضع شويه ولا تظل ادير
في الطوف للمحتاز قصر يصير
اذا شغلة مواقف شاخ بيهه المات
الخفت يركض اخيوط
يداوي جرح الشات
اي محتاز اريدن حوت
يرحم حال يونس بيه
جاه الليل راح يموت
اطگهن و انتجي عليهن
ترى الخيال بالمركاض
خواصر مهرته برجليه يلويهن
اي محتاز اگعد دله وي فنجان
تعال اجدامي فحطت من حجي الگيعان
حگي عليك من ازعل لغز ويضيع يمه الحل
يوسف يمك مبهذل
يگطبه و چف عجوز تمكيج بمغزل
موش اصغير وتضمه
ناذرلك نذر لو جيت
خشف ما ضاگ صدر أمه
