يريتك ماي چمل عيني عطشانة..

ترى الدنيا ابطرك عاگول..

وبسلفنه ملوحة السمره..

اظن مابيك اثر گطرة ! ..

تعال من الله احبنك ..

وحب الله على الفطرة ..

تعال الليل عباية وغطت احديثه..

ويصچمها الهوى الخجلان ..

ها مامر عليج افلان؟ ..

مر من يمي فطنت بال..

اريد اتشفه بالعذال

احچيها حچاية التنگال..

احبنك عشگ جتال..

حتى اتبختر ابكيفي ..

وصفگ الروحي من تصفن ..

وريد اباسمك اندن دن ..

وغيلك غنى اليطرب گصبها الهور ..

تحب ياطور .. يافصمة بشفايف حور ..

اريد اكرف مثل ناعور ..

حبك ماي وعطشله

ياهيبة جرف دجلة ..

يعين وراضعة الكحلة ..

شسولفلك حچي مغيم ؟..

يلي ابشوگك انچيم ..

گلب تنور ويجمر ..

يتاني اتمر .. يالمخضر.. 

محنة وفطرة المعدان ..

يانسمة هوى بنيسان..

ربيعك مايحن يمطر؟ ..

تعال الحبك آنه انطر ..

يريت ابزعلك اتفرهد وظل محتار..

بعيارتك وتمسهد.. يريتك نار ماتبرد..

يالحجيك فشگ رمان ..

يالخدك نبع ريحان ..

يمرايه التكحل الجان والمرود..

اريد ابحسك اتمدد..

واريد وياك ماكو احد..