عباس الديراوي / بصرة
جنت محد يقدرك كبل لا لفيك
أخذ هيبة العلك من دخل للحظرة
الهوى نفسه الهوى مرة تشمه بخور
ومرة يضايكك وتشحته بالحسرة
مو كلمن أخذ صيت افتخر بالصيت
خذه البسمار صيته بعصرة الزهره
شعاع الشمس حدر الشجرة شابع موت
يعيش وترد روحه بطيحة الشجرة
أبو النفس الابية يعيش لو ذبحوه
ويشبع موت لو جف عالخد يصطره
النهر متروس ماي وشافه خالي احساس
لذلك ماشرب منه الكمر كطرة
اذا مو كدهه لا تصعد ظهور الخيل
باجر تنجبر عالسيف وتشهره
الحبل ماله ذنب مرجوحة مرة
ومرة يصير كيد ويجتف الحرة
سنين امشي عدل ماحجت بيه الناس
وبسرعة صرت مشهور بالعثرة
ليغرك جمالك هيبة ماينطيك
الورد مو بالشكل مهيوب من عطره
زلم هيبة ومضايف ردت الطلاب
وام عباس تكضي الحاجة بالسفرة
