حيدر العكيلي/ واسط

عذر صرت بحلك مغرور…بس ميقره يتعمد

شجاني وامنت بطيف

 أمن افز الگه الحلم ممسوح

وشجاني وامنت بسيف

 البي اعضم بشر مذبوح

اومو ياهو اليجي يعاشر شرط متوضي گلبه بقيس 

وترف من جدمه حد الرس

.وما هدد الشجرة الفاس

وكون اظنونه متفضل الورد عالياس

هاذه العشك يمعود ..حجي السجين للمبرد

انه منيتي أشوف ثنين ولف يغازل بولفه

ايد ابايد وبزفة  وبس هيا تضل بالعين

ومامش وين تلكه ثنين الفرح لومرني بس لحضات 

من عيوني ادفع دين

الفرح بيبان كلهن سد

..الكصير شعنده باقي وياي

ذمني وهوه ابد ميلوح..

الكطن بالخيزران انطك

 وطبعه يضمد المجروح

..الورد طعناته كطعه ويبقه عطره يفوح..

وشني ردس النهر لوماوصف سابوح..

الكصب موكله مصدر ناي

. .اذا كله اقتنعلي براي

وسوي  القصتي طبع وحد

انه بروحي ربع متفاركة من سنين ..تلگه ابالهم ملگه

وتسمع صوت مال اضلوع حته اجدام بيا واثر للشبگة. 

.انه مفرفح انا ابلا اياك جني امفارگه اوحيد

لهاتي انشجت بشصين ماينفعهه حرز سيد

ويه الميتين كمت انعد 

ارجع ظلمة كل دنياي الليل ابالي جن عاشور

عشيرة وصفت فوك الكاع انه ابروحي اعله كدهه كبور 

الجرف زعلان عن شطه 

الوفو للماوفو غلطة

الهندس شايخة ابلاياك ومخدرة السلف كهوة

مخدرتهه اعله نار الخوف شربتهه وتحس نشوة 

يالراسم كفا وسجين فنك ترسم الوجعة

الاثر يبقه ابرة البسمارصعب من الكلب شلعه

النجمة اتموت اذاكمره…رغم حجم الكمر ضوتلي عالفطرة

هذا اني..وهذاك انته

تدور بيا تلگه الظال حلقه وتلگه طولي ارماد

وتلگه اسنيني من تعود ابدربك وزعتهه امراد 

السايس وره الخيل انشد

..الحذو لوماكو خيل انعد

انه براسي مثل وجعان…قال  قلبي عليه القسوة والحرمان  …المجفي ذمة بركبة الكاتل طفل..