عباس هابيل / بغداد
تشابه التابوت وي ساعي البريد
وتشابهو زلم الحشد والمكبره
ثنينهم مرسال بس الاختلاف
الساعي للدار الحشد للاخره
الرايد يلاويني كلوله اجيت
الخيل يطلع زودهه اعله الكنطره
الجف اليسطرك افه تبوسه وتنام
كوي روحك من يسطرك تكسره
مالي خلكه الساتر مضوجني حيل
شنهي شو كل معركه انطاني اضهره
جدمي لو مد روحه كادامي اضوج
شنهي اول تالي اصيرن ليوره
وداعت التفكه وشلكنه الماتهيد
من اضوج ابالي انصب سيطره
والله لو مامستحه ويكضني عيب
حته ملك الموت اخلي ابخاطره
جان من عندي واسلت بلجنود
والجهنم بيدي اكصله التذكره
انه مو لعبه انه ربات السباع
شنهي نفعه الهمه بس الثرثره
كلمن يسولف وراي انطي مجال
انه ذيب وماتهمني الكمبره
اعلام ماعندي ولاعده وسلاح
عندي اسم عباس سبع الزمجره
ذني ماعندي وصل صيتي لغاد
اعلام ماكو وكلهه تعرف حيدره
لابس مرقط واحب لبس الشباب
وحيل احب هدومي كون معطره
لاجن الساتر عرس بي عزبيت
وكشختي تخبل لون بلمكبره
