حسين القاصد
الدبة حيوانة مدري شنهي بس مضكورة بالكتب هواي وبالقرآن مضكورة دابة!! وهاي الدبة تحب الوادم تسولف عليها ، اتضكر بايام كَبل من واحد ماتعجبه سالفة راسا يكَول سولفها عالدبة !! معناها اذا اقتنعت الدبة تمشي الامور بصورة طبيعية ، والدبة جانت اكو لها صورة بالقراءة مال الاول الابتدائي ، بس الشي الغريب ان الدبة بضم الدال وكسر العين العفو الدال ايضا !! مضرة جدا لأن هي بضم الدال حيوانة موش أليفة !! وبكسرها تعني دبة مال غاز وهي تعادل البوري بالضرب لأن كلشي ولا الواحد ينضرب دبة !! والدبة اذا مليانة غاز معناها كل سوالفها ماتنفه !! بس لاتفهموني صح عفية !! لأن اكو دبة عبارة عن زلمة مع ايقاف التنفيذ اخذت راحتها بالتصريحات لأن الربع حايرين بالتخلص من المالكي وعايفين الدبة والهايشة يصرحن ويمرحن !! يكولون الهايشة الله راح يخلصنه منها لأن مسؤولها منعها من الترشيح بس الدبة استغلت الفراغ السياسي وقلة الخيل .. وكامت تمسلت وتحرض على الفوضى وقتل الزوار وتكول ( ماكو شي بالدستور ينص على توفير الامن للزوار ) صدكـ دابة بت الدابة !! جا شيسوي بيج الحسين بعد ؟؟ اذا حتى وانت نائبة ماكَدرتي تصيرين (انثى ) !! ماعلينا بالوادم ، بس مال وحدة تسوي مقرنص !! ووحدة تحجي على نقاط التفتيش بالتلفزيون بطريقة العلاسة !! ووحدة تريد تمنع القوات الامنية من حماية الزوار وكلهن مابيهن ذرة انوثة !! جا ليش مشمولات بالكوتا ؟؟ هي الكوتا مو بس للنسوان لو حتى للزلم المسترجلة !! ولج هذا الحسين !! وانت مجرد (نائبة ) ورجليج !! استغفر الله !! عمي ترى ماتنعرف (رِجليها ) من حماها !!
