من اطيب النكهات عند العراقيين هي نكهة الهيل ، والهيل مضكور هواي بالكتب وبالاغاني وبكل مكان ، بس جماعة المهمشين منعوا الهيل ومنعوا كل اغاني حسين نعمة خاصةً اغنيته ( كَوم انثر الهيل ) لأن الظاهر الهيل اذا فاير يقضي على كل مظاهر التهميش وعلى كل بنات طارق ( الهاشمي) ، والسالفة بيها رباط كلش ، لأن الهيل انتقل من المقاهي ومن اصحاب الشاي الى نشرات الاخبار وصفحات النواب الغمان مثل ما مضكور بصفحة طارق الهاشمي ( من عساها اشتعلت ) من عويل ونحيب وهاكم شوفو شيكول نقلا عن صفحته المشعولة ((الولايات المتحدة على مدى سنة لم تصدر حتى كلمة تعاطف واحدة مع المحافظات الست التي انتفضت سلميا لنيل حقوق دستورية ، متذرعة ان الرئيس لا وقت له وهو منكب على مشاغل داخلية، لكن الادارة عندما يتعلق الامر بالمالكي ونهجه الارهابي تتفرغ بل وتتعجل في ارسال صواريخ الهيل فاير وطائرات درونز … وغيرها مالم يكشف عنه ؟؟ هل تجهل الولايات المتحدة حقيقة ان المالكي يتهم العرب السنة باستثناء عملائه بالارهاب وبالتالي عندما يدعي محاربته للارهاب فانه يقصد محاربة العرب السنة دون ان يستثني احدا ؟؟؟ لترتفع اصوات الشرفاء بالادانة والاستنكار.)) انتهى تصريح بنات طارق والمشكلة هي ان الهيل فاير !! يعني ابو طارق ينسمط اذا شافه !! بس ياترى ويامن مغلس ( لاترى ولا تسمع ) هل طارق يمثل سنة العراق ؟؟ لو يمثل داعش ؟؟ والله مشكلة والعباس بس طارق يعتبر اهالي الفلوجة اللي شردوا من داعش وارحوا لكربلاء يعتبرهم خونة !! وصفويين وان لم ينتموا !! هيل وياك كل اللي جرى من يدك !!
