حسين القاصد

   قبل 7000 سنة .. كان شغل ماكو .. وكان العراق حاير بمسلة (حمو بابا) !! وكانت القوانين كل ستة بدرهم !! وكانت الاحزاب المعارضة تفسر قوانين (حمو بابا ) كلمن بطريقته الخاصة .. بوقتها .. كان العراق (شروكَي) كله .. وكان تابع لمملكة ميسان ، ومنها حضارة سومر اللي بالناصرية .. الاحزاب الاسلامية بذاك الوقت .. اعترضوا على القيثارة .. لأن كانوا يخافون يطلع داخل حسن ويسحب البساط منهم .. اما القائمة العراقية بذاك الوقت .. كانت تؤمن بالمشروع القومي .. لذلك ارسلت عددا من العاطلين عن العمل الى مصر لكي يساعدوهم ببناء الاهرامات !! يعني (دفانة ) لذلك نشأت القومية وبعدها القو (مية وخمسين ) .. فبدأت الاعتراضات .. ثم جاءت رجالات قريش لتعلم اللغة العربية من العراق (دولة المناذرة ) ثم عادوا لبلادهم فكان الدين الاسلامي .. الذي انتج بلال الحبشي موظفا بصفة (مؤذن ـ عقد مؤقت لحين وفاة الرسول ) وبعد ما توفي الرسول .. صار مجلس الحكم .. عندها اختلفوا على الأذان .. وبقي الشعب العراقي لحد الان يعاني من الاذان !! ومن الدول التي بناها العراق للعربان .. الشيء الوحيد المتفق عليه حتى الان .. انهم جميعا كانوا يحبون علي بن ابي طالب وانهم ـ جميعا ـ يقاتلونه حتى الان .. منهم من يقتله طمعا بالكرسي ومنهم من يقتله تمسكا بالكرسي !!