حسين القاصد

ثلاث جلسات في نادي الشعر ، والسالفة اقرب لمسرحية الخيط والعصفور ، لأن احدى الجلسات هي تأبينية والثانية احتفالية بعيد المرأة والثالثة جلسة خاصة للاحتفاء بالشاعر عامر عاصي وفاضل المياحي .. وكان الانطباع الواضح لدى الجميع هو انعكاس الارتباك السياسي على الثقافي .. 

السالفة كلش مدري شنهي .. 

عامر عاصي يكول : خايف يجيني صبح مابيه بنات ازغار 

والبرلمان مايقبل يصوت على الموازنة الا بعد ان تنتهي صلاة المنتخب الوطني !! 

وسالفة قانون التقاعد مدري وين صارت .. 

عيد المرأة هاي السنة كان محفوفا ( مو معناها ماخذ خيط ) بالقلق والخوف من قانون الاحوال الجديد .. 

وجيه عباس يسأل عن (شادي ) منو ابوه ؟؟ 

فتت من يم جسر وتضكرت الجماهيرية العربية الاشتراكية الشعبية الليبية العظمى !! (يابوية وعلي فحطت ) .. المهم تضكرتها لأن تضكرت سالفة القائد يتأمل !!

كلش مدري شنهي والعباس ابو فاضل !! يكولون اكو فد واحد اسمه (وليد ) مرشح للانتخابات ..

والبطاقة الالكترونية لازم نشحنها !! 

واغلب النواب ماعدهم رصيد .. 

وياهو اللي تحاجيه يكول : يابه دطيــــر !! 

شنهي ؟؟ 

لابوية .. حتى الفيل بعد ممنوع يطير !!

لأن السالفة كلش مدري شنهي ..