ضياء المياحي
ليلـة العـرسان بيهـا شگـد حـلال
واني وانـت ما گـدرنـه انعيـش ساعات الزفـاف
وتنـرسم فـرحـه بـوجهنـه
وتـذبل اشفـاف الحـزن …
خـربـت اندافت عرسنه وهلهـل الشامـت كطـن …
وانـي وانـت ما لكينـه اليـوكـف ويانـه سنـد
وتارس اجفـوفـه محنـه يسـوي لله وجفـه فلتـه …
ويـن نلگـه بهل زمان الخالـي من كلشي صديج يغيـض صمتـه
هـور المـروه نشـف والـريـج سكتـه …
انـت يالخليتنـي ابالك معاتـب
شـوف عينـك بارحـه وماظـل حضـن …
بعـد ذيـج الناس عالغـربـة انتجيـت ومـو علـه بالي متـن …
كافـي ياطيـر الكناري تمـرعـد بـروحـي دخـن …
كافـي لا تعتـب علي شيفـرغ اديـك …
منيـن اكـض وردة سمـارك
وامـة العاكـول ملتمـه عليـك …
البارحـة هالبارحـة
بالطيـف جـن ليلـة عـرسنـه …
واذن اذان العـرس جامـع عشگنـه
وصعـدت النشـوه لفـوووووك …
وصلـن اشفافي على شفافك جماعة
وجنـه متـوضيـن ضـــوك …
والفززتنـي بـرودة الوينـك تعال
صيفـت بيـه الجروح بكثـر ما بـردان شـوك …
وهاي مـرت جـم سنـة ماشفتـك وبخيـت شـوك …
منهـد ما جفينك وجفـي صـرت مجبـور اهـدهـن …
آآآآآآآآآه يا الغاكـت محبتـك تفتـر علـه اطيورهـه البيـه بعـدهـن …
آآآآآه يالصبيتلك كـل فـرحـة مضمـومـه بمعـزه بثـوب عيـد …
خاف نتلاكـه بدرب لو مـن بعيـد …
لا تمـد أيـدك علي خلهـا وراك …
روحـك تـوجـد مكانـي بلايـه ذاك …
وروحـي ماخليتها علـه البيك تـدنـه
وشمتـت بينـه العشـگ …
انـت تعلـم بالشحيـح وروحـي متـروسه صـدگ …
مادرت ثلـج الخيانـة وكاسـرت حلك بحلك …
انـت ماترهملي بـس صـوجـي انغـريـت
وسلمـت روحـي فـريسـه بيـن رمـش عيونك وصافـي الـزراك …
وانـي ادري انـي ادري نهايـة العاگـر طــلاگ ….
