كاظم غيلان
يا ليل بغداد اشتهيت النجم بس كلك اتراب
امنين أجيب النجم يل صاير غياب
وغايبين هواي وآنه من الغياب
أطلع وأشع اعله الغياب
ليل بغداد ونصب مملي عذاب
وطول حوريه النده يرشرش عليها
ايبلل الگذله الگصايب
يشتهي الحاجب
ويصعد للسما وكلّه عتاب
وساعه تاخذني الهموم
وساعه أرد بس … وين أرد ؟؟!!
ما أدري ياخذني البعد ….. ياخذني
لآخر دنيه وبروحي التصب
يصعد ايدور عله حريه ابسمه اتدور نجم
بس الحراميه خذوا حتى النجم
حتى الحلم
ذبحوا ضحكتي وباگوا الكاروك من آخر طفل
شاف الخراب ….
* من ديوان ( حانة الموعد)
