موسى الوائلي
بعدك انت…
مره صارت دنيتي وطعم السوالف
بعدك انت جروح شاغت بالدليل وبسمه ماتت بالشفايف
بعدك انت
الظل وراك يلوج لوجة طفل خايف
امشي واتعثر كمت بحجار هجرك
فزع خلف الله اعلى ذكرك
وجه حالي اهواي رادت ناس بالخاطر تصير
وعلمودك… من رجع خايب لجالي
لون تسأل ياهو ساكن هسه بالي
بعدك انت ياوليفي الليله مريت ابدرب بيه التكينه
وخضر ابروحي غصن بي ذكريات
وطاحن ادموعي اعلحس روحي الحنينه
تغني جانت… موبدينه نودع اعيون الحبايب…
حتى مالحكت اودعك من رحت كالولي غايب
جان وادعتك اموادع رايح وماعنده جيه
جان ولهسه اعلى جتفك ظل اثر شبكات اديه..
جان خليت اعلى بالك…بالهجر شيصير بيه
اتخيل انت بحال واحد ضايع ويلمه عيده
يمره كل فجريه حزنه ولابس هدومه الجديده
يلعفت فركاك شاعر بعده يكتب بالقصيده
يابطل قصه افتقرت لعاشو بعيشه سعيده
هم بعد تشتاك للملكه القديم
البيه ضحكتنه تفك شباجهه
هم يطر طاريي صفنه ابالك ويعرض صور…
اهنانه مره اتعاتبينه هنانه موقف بي هديه
وصوره واقع شجره تبجي
اوراق بحضان الخريف
هاي منهات السوالف بيه حيل
اليمشي كوه عللمشي مكلف عصاته
وبيه كلبي البعده ينبض
بلجي باخر دكه يلكاك بحياته
