محمد علي محي الدين
الجزء الثاني
وهو عاشق لمدينته المدحتيه هائم بها مغردا لها ذاكرا للجميل من معالمها ،واظهر حبه في الكثير من قصائده يقول في واحدة منها:
الچ بگليبي بيدر شوگ …
وجروح أو عتب وإيمان
احبچ من گلب والسان
أحب ارياضچ الخضرة … أحب الغيد والخلان
أولو هب هوه ( ربيانه ) يروي كل چبد عطشان
أيكحل كل جفن نعسان
أو من يتمايل الريحان ..
من خمر العشگ نشوان
ويشكو المر من أيامه ،ببث ينزف دما لما آل إليه الوضع وما وصل إليه الحال بعد سنين طويلة من العمل الجاد للوصول إلى شواطئ الأمان:
ما هي ذيچ الناس .. ناسي
أو لا هو ذاك ألكاس … كاسي
كلشي مغشوش ابسلفنه
المرحبة .. أو طعم ألوفه .. أو محضر الخير
كلشي مغشوش ابسلفنه
يا زغير اصعد على اچتاف الچبير
انه أحس ألغربه تسري .. بظفري .. أو توصل الراسي
ومن أجمل قصائده:
دحل ليل الشعر حد ما يلوح الگــــــاع وتعض الزلوف بدورة الشـــــــــــفه
طبع بينة الجرح ندعيلة حتــــى يطيب الك بية جــــــــــرح ادعيلة مـا يشفه
يلي عيونك سما وطول الحواجب لــيل ضمني بسما عيونك اسهـــــر واغفه
ويا ضي الوجــــــــه يالما طفيت بيوم صدگني الگمر مـــــــن يشتعل يطفه
وياقوس القزح كل ساعه اشوفك لون ويمر مــــــــــرات لونك بيه ماعرفه
دحل ليل الشعر حــــــد ما يلوح الگاع وتعــــــــــض الزلوف بدورة الشفه
طبع بينة الجرح ندعيلة حتـــى يطيب الك بية جــــــــرح ادعيله ما يشفه
تسالني شعجب مــــــــا وصفتني بيوم وانة حاير بظلك لسة مــــا موصفه
يابو صوت المورد يـــا سحر فيروز حبيبي اجمل لـــــحن بشفافك تعزفه
تمر مــثل النهر والخطوة روجة ماي واظل انة اعله جرفك حاصد الوسفه
ويالخصرك مدور قـــــمر عالي بعيد مد ايده الگلب مــــــــــــالاحك بچفه
من عينك ندى ينزل واشوفـــه يطيح يلتم بورود جفوفـــــــــــــك الترفه
تلتف اعلى طولك كـــــــل نجوم الليل ويجي ينام الگـــــمر متوسدك صفه
واضم سرك علية ومـــــا ابوحن بيه واذا دمـــــــعك بعينك عيني لتذرفه
كـــل إصبع بچفك يضوي شمعة بليل وكل خصلة شعر مـــــن گذلتك عفه
يا جمار عالي وما اظــــــــــن تنلاح لان عثگك هــــــدل ما شالته السعفه
اذا بميزان انت وكــل حواري العين مـــــاظنهه لغيرك تنزل الــــــــــــكفه
احلى من العسل بالشفة من تنضاگ ومرح مثل النسيم ودمـــــــك شخفه
حدر زيجك نهر مضموم ما ينشاف لان الله طبــــــــــــگه الظفه عالضفه
يا اول نــــــــدى ينگط شعر للروح يالمشذر محبة وضحكتك زفـــــــــه
شمس الله واكبر نزلت على الگاع اجـت يمـــــــــــك حبيبي تريد تدفـه
دحل ليل الشعر حد ما يلوح الگاع وتعض الزلـــــــــوف بدورة الشفه
طبع بينة الجرح ندعيلة حتى يطيب الك بية جرح ادعيلة مــــــــا يشفــه
وفي قصيدة أخرى يقول:
يجرن سواجي العـــــمر.. حب او وفــــه للناس..
اومن تعطش ارويحتي.. يسگوني:سم بالكاس
لا باس غـــــدر العدو .. غدر المحب لا باس؟؟!!
والله الضعف بالسگف.. موش الضعف بالساس..
وهو شاعر ينطق بالحكمة :
غربه وغريب الــــــدرب واثنينه امتيهين
چاليش هل المستحى من نصد عين بعين
————
الصار ما هو عجب چم صار مثله وصار
چم أخو يكره أخو وچم جــــار يكره جار
بنادم أطباع الغدر مـــــــــن ياكل الجمار
ينسى إحزان النخل يرمي السعف للنار
