جليل صبيح
يا هو الكالك ميتين
سطرنا الضلوع جسور
فوك جسور للماشين
حصد منا الأرهاب الاف
الحروب المالهه داعي
خذت الاف
بخريطتنا المقابر
هزت السياف
بس منخاف …
نجاوب من سأل عنه
لله الحمد زينين …
ياهو الكالك ميتين
نعاند كل بقايا
الضيم بالضحكات
ونداوي جروحنه
بريحة هلي الطيبين
أي عدلين …….
وما نتعب جذب والله
أبد هيهات
جي طيبين عراقيين
بطيبتكم …قلقتوا الكون
عراقيين ….مثلكم ما أدور …وين ؟؟؟
جيران الشمس إحنه العراقيين
جتف بجتف وي العلا
جتف بجتف وياهه
منرضى بدون
علمنا الأمم معنى التمدن كيف
وسنينه الشرع ….وبنوده والقانون
جيران الشمس إحنه العراقيين
نضحك ع الجرح والاه
غيرتنا تظل لغز
وصعب معناه
فك باب السما
وتلكه العراق شراع
انبش كاعي هاي بايد
مو مسحاة تلكه سباع
لتتفاجأ متلكه دموع … تلكه شموع
تضوي وتحترك سكته بلا دمعات …لا آهات
الآرض هاي الها حوبه …
تشور وتغتاض
من تزعل تطك …دروس
عراقيين ….عراقيين
يا أغله غلاة الكون وأحله نفوس
تمطر بالمحبة الغيرة و الإحساس
وحك درس الوفه آلخطاه جف عباس
ما ميتين ….!!!
عراقيين …يا طيبين
يموت الموت نفسه وأنتم معيدين
أهوار الجنوب ..أجبال كردستان
تشور باليعيل وتنتفض بركان…
والأحزان هاي تولي الأحزان
غيمتها جزت مادام متوحدين
يا آهات هاي الترعب النخلات
ولا لتكلي مدري شلون
رب الكون من خط العراق
بزحمة التأريخ طش دجله
وفرات وشط عرب …صلوات
يا آهات هاي التخنك النخلات
مادام العراق بخير مرتاحين
