أدهم عادل
بيني وبينك خطوه وباب:
بيني وبينك خطوه وباب
واهلي واهلك ميعرفونه شكد احباب
كلهه بهاي الدنيه اجذب
بس العاشك موجذاب
ما عرفوني
ونزلت دمعاتي من عيوني
صارن فوك العتبه تراب
شلت سنيني بجفي وجيتك
وطاحت روحي بعتبة بيتك
حتى الشارع يدري بشوكي ويعرف بيه شكد حبيتك
ويه انفاسي وخطوه بخطوه
وي كل دكه بكلبي لكيتك
صح ما شفتك بس حسيتك
عطرك ريح وتعصف بيهوكلش كافي من اشتميتك
يوسف الدراجي
لـــــوحـــــــــــات
اباب صدري أشكد حمام
وعنكبوت الباني بيته
يمته ترجع حضني وحشة وكصري طول
واليمر يهدملي صدري خاف خاتل بي رسول
استعجليت بكل بطء ملح اشتهيت
وانت يا ملح الفرح جيت اعتنيك
وجيت اغط جروحي بيـــــــك
عش تمــــــــوت؟؟
دورت بالصفنة شارع حته افوت!!
وانه ما رايد اجيــك
انت لا تملك سوى بس كل شيء!؟
ظلي مد روحه وراي بلاي صوت وانت كدامي تصيح
ارجع بظلي اعثر وفشلة من اطيــح
صدى عيني من يروح ما يشوفك
يرجع وكايد بجفة اشد جروح
حقي ازعل لو نسيـــــت
تجي دوم انت اعله بالي ,وعلي ما فد يوم اجيــت..
علي المحمداوي
(على زنودك علكـ شديت ادي تذكـار )
شهكَتك والهوى تيهته واشتم بيك
وهواى غيري لكيت بريتك تشهكه
مو بس الخبز قاسمت نفسي وياك
بحجة اللعب جنة انقاسم الشهكَـة
على واهس كفاك عيوني اخذهه الشيب
ونسى وجه اليحبه وتذكر الشبكَة
تعال اعيوني سده اتعطل الدفان
فضلك بي نقص بس الجفن طبكَة
مو طك سني طك عظامي مابي صوت
وصارت طيحتي جن طيحة الوركَة ذكرتك والدمع سولف الخدي سنين وعلى طرف الجفن جن غيمة متعلكة
الضاع بصغره صدر امه بخياله يعيش
واليضيع بحرب تشتاك اله التفكَـة
اليزعل واليحب يدلـلـــون هواي
الشبه بيناتهم روحين محتركة
المتواعد وفاته الموعد وما جاي
تلكة على الدرب نظراته متعلكَة
من اسولف بيك احس بصفي تطلع نار
وتخيل لحدمـن واصلـة الحركــة
اليتوضة بخجل عـده اليحب معصوم
